На 16.06.2024 година (недела) во прекрасниот амбиент на летната тераса на Хотел Слив , Ротари клубот Кочани – Виница го одржа последниот состанок во Ротаријанска 2023-2024 година , кој се одвиваше во фамилијарна атмосфера со присуство на членови на семејствата.
Состанокот започна со презентација на претседателот Зафир Наков за активностите, настаните и реализираните проекти за ротаријанска 2023-2024 год.
Потоа претседателот им се заблагодари на сите членови на Ротари Клубот за нивната активност , а и додели благодарници на Тоше Манев , Владимир Павлов и Сашко Андонов , за особен придонес во работата на клубот.
Следеа честитки и доделување на Ротаријански значки на четири нови членови во Клубот и на членовите од Берово.
На крајот претседателот за ротаријанска 2023-2024 год. ја предаде инсигнијата на претседателката за 2024-2025 година Анѓела Соколова на која и честитаме и посакуваме успешна ротаријанска година.
Соопштение на Ротари клуб Кочани- Виница
