Кочани ја има првата, но можеби и не последна независна листа за советници на претстојните Локални избори, чиј носител ќе биде Венко Крстевски.
Актуелниот советник Крстевски на својот фејсбук профил најави нова кандидатура за носител на независна советничка листа. Како што напиша, наскоро ќе бидат објавени имињата и на другите кандидати од независната листа кои ќе се борат за влез во новиот Совет на општината. Од наредната седмица ќе започне и собирањето на потребните 250 потписи за кандидатура и официјализирање на независната листа.
Венко Крстевски е член на Советот на Општина Кочани од 2017 година. На локалните избори во 2017 година, независната листа „Младите за Кочани“ чиј носител беше Крстевски освои 1314 гласови, а само 250 недостигаа за влез на втор совентник од редовите на независната листа.
И. Матеничарски
