Во Центарот за култура „Бели Мугри“ во Кочани вечерва со почеток од 20:30 ч. концерт ќе одржи дуото кларинети Ѓоревски-Бакревски.
На програмата се дела од Моцарт, Вебер, Лефевр, Росини, Бот, Илиевски и Огненовски.
Со залагањето на Дуото кларинети да ја презентираат македонската музика и култура и пошироко од границите на нашата земја, се етаблираат како значаен субјект на полето на класичната музика во Македонија, и се единствен ансамбл од ваков вид кој константно опстојува и бележејќи успешни настапи и во Македонија но и во странство – Бугарија, Словенија, САД, Австрија, Словачка.Нивниот труд на меѓународна сцена беше награден и на Mеѓународниот натпревар во Штањел, Словенија во 2015 година, каде што ја освоија сребрената награда во категорија на камерни ансамбли.
Концертот ќе се одржи на западната тераса на Центарот за култура.
