Кочани викендов (05 и 06 септември) ќе биде домаќин на ридско-брзинската трка на патеката „Пониква“, како дел од треттото возење од Државниот шампионат во автомобилизам.
На натпреварувањето ќе учествуваат околу 30 автомобилисти од Македонија, како и гости од Р.Косово кои ќе се борат за повисок пласман во Централно Европската зона.
За в сабота (05-ти септември) планрани се две тренинг возења кога натпреварувачите ќе ја запознаат патеката, додека официјалниот дел е закажан за в недела (06-ти септември) и тоа, првата трка од 12:00ч, а второто возење од 14:00ч.
Стартот е планиран да биде од Градската депонија, на патека долга 7,91 километар, со крајна цел кај месноста „Пашаџиково“.
На ридско-брзинската трка на патеката „Пониква“ учество ќе земе и Дејан Манасиев од Кочани, кој со своето Renault Clio ќе се натпреварува во категоријата Е1 до 2000 кубни сантиметри.
Пријавувањето на натпреварувачите е до вторник 01-ви септември кога и официјално ќе се знае конечниот број на учесници.
Трката е во организација на АКК„Перформанс“-Скопје, со поддршка на Автомобилистичката федерација на Македонија.
И.Матеничарски
