ВМФЛ-Исток: „Осогово“ ремизираше во Каменица, „Брегалница“ и „Тиквеш“ во мртва трка за првото место

Попладневно се одиграа натпреварите од 8-то коло во Втората Македонска фудбалска лига – Исток.  На шесте одиграни средби постигнати се само десет гола и тоа седум на натпреварите на двата ко-лидери „Брегалница“ и „Тиквеш“.

Дуелот во Македонска Каменица помеѓу  екипите ГФК„Осогово“ и „Каменица Саса“ заврши без голови (0:0), со што „Осогово“ се врати во Кочани со  значаен бод на своето салдо.

Нерешен натпревар одиграа и  фудбалерите на  „Кит-Го“ и  виничка „Слога“. Пехчевци сo голот на Оливер Христов поведоа против „Слога“, но Бујчевски со гол во 76’ израмни за конечен резултат од 1:1.

Со нерешен резултат заврши и дуелот во Радовиш, помеѓу екипите на „Плачковица“ и „Кожув“ (1-1).

Борбата за прво место продолжува со мртва трка и по осмото коло, откако од гостувањата со победи се вратија и „Брегалница“ и „Тиквеш“.

Штипска „Брегалница“ се соочи со непредвидени проблеми во Прилеп против „Победа“, но успеа да триумфира со резултат од 1-2.

 „Тиквеш“ пак  без многу проблеми извојува победа на гостувањето кај новиот второлигаш Росоман (0-4).

Резултати:

Табела:

1. ТИКВЕШ 20

2. БРЕГАЛНИЦА 20

3. КОЖУФ 13

4. КИТ ГО 9

5. СЛОГА В 9

6. ПОБЕДА 8

7. САСА 8

8. ОСОГОВО 8

9. РОСОМАН 7

10. ПЛАЧКОВИЦА 5

Social media & sharing icons powered by UltimatelySocial