Тритте мерни станици што го мерат квалитетот на воздухот во Кочани денеска покажуваат ектремна загаденост на воздухот во градот.
Загадувањето освен преку мерните станици е видливо и со око за што граѓани на социјалните мрежи веќе реагираат дека имаат проблеми со дишењето и дишните патишта.
Според достапните мерења од мерната станица кај ООУ „Св. Кирил и Методиј“ присуството на ПМ10 честички во воздухот е 125 микрограми на м3, на мерната станица АСНОМ, 111 и 102 микрограми на м3 на улицата „Скопска“ кај Текишински лозја. Апликацијата „AirCare“, регистрира екстремно ниво на загаденост на воздухот од виолетово ниво повеќекратно од поставената граница.
Препораката на апликацијата е да се затвораат прозорците, избегнување активности на отворено и носење на маска.
Според достапната статистика забележително е дека нивото на загаден воздух претходните денови е на ниско ниво, односно зелено ниво, за разлика од денес кога загадувањето на воздхот во Кочани од непознати причини е високо.
Граѓаните со право прашуваат што го предизвика загадувањето на воздухот вечерва во Кочани.
И.Матеничарски
