Локалната самоуправа на Општина Зрновци започна со активности за расчистувње на постоечката локална депонија во Зрновци. Од вчера механизацијата е на терен и работи на расчистување на просторот, по што ќе следи негово уредување и оградување.
-Започнавме со расчистување на постоечката локална депонија во Зрновци. Расчитувањето ќе трае неколку денови, а планирано е да продолжи и со расчистување и на други диви депонии во населените места во општината. По целосното уредување на депонијата ќе следи фаза на оградување на просторот. Граѓаните на Зрновци заслужуваат здраваи уредена животна средина, истакна Борчо Коцев, градоначалник на Зрновци.
Од Локалната самоуправа на Зрновци упатија апел до жителите за повисока еколошка свест и грижа за средината во која живеат.
И. Матеничарски