На повеќенаменското спортско игралиште „Васе Ангелов“ во општина Зрновци попладнево беше отворен Вториот меморијален турнир во мал фудбал во чест на Капетан Синиша Стоилов, во пресрет на чествувањето од годишнината од неговата херојска смрт.
На меморијалниот турнир учествуаат 12 фудбалски екипи од општините Зрновци, Кочани, Чешиново – Облешево и Виница, а на отворањето првата средба ја одиграа екипите на ОУ „Синиша Стоилов“ и „Аквариум“.
– Општина Зрновци и ЛМС – Зрновци , продолжуваат посветено и одговорно да ги мотивираат младите да учествуваат и вложуваат во спортот и спортските активности за правилен раст и развој, воедно да го негуваат ликот и делото на нашиот херој. Ве покануваме секое попладне на повеќенаменското спортско игралиште “Васе Ангелов” – Зрновци со почеток од 18 ч. да ги проследувате фудбалските натпревари кои ќе триунфираат со финале на 10 јуни, в сабота, истакна градоначалникот на Зрновци, Борчо Коцев.
