Во организација на локалната самоуправа на Општина Зрновци и Локалниот младински Совет, денеска во Зрновци се одржа урбан – ридски крос „Младите трчаат“ во чест на сограѓанинот Васе Ангелов.
Учесниците трчаа на кружна патека во должина од 2,7 километри.
– Честитки за најбрзите: Во машка категорија, прво место Борче Христов, второ место Бојан Игнатовски, трето место Влатко Коцев. Во женска категорија, прво место Симона Веселинова, второ место Марија Велкова, трето место Ангела Игнатова. Во детска категорија: прво место Лукас Горгиев, второ место Мартин Стаменов, трето место Михаил Кокев. Од ЛМС- Зрновци упатија благодарност и до ДПД – Кочани, ДПСС „Осогово“, Црвен крст Кочани, ОВР-Кочани ИМП – Кочани и КПС „Осоговски Орел“ и до локалната самоуправа на Зрновци, соопштија организаторите.
На победниците на трката им беа додели медали и дипломи, додека на поддржувачите на настанот благодарници за поддршката во реализација на спортскиот настан.
Целта на настанот е промовирање на спортувањето меѓу младите во Зрновци како и чување на споменот на сограѓаниот Васе Ангелов.
