Вчера, Средното општинско училиште „Љупчо Сантов“ организираше отворен ден на граѓанско образование посветен на жената од руралната средина.
Проектот беше креиран од Центарот за стручно образование и обука под мотото „Жената не знае што иднината ветува, а уште помалку иднината знае што жената сетува“.
Настанот кој имаше едукативно-уметничка димензија беше организиран со цел да ја поттикне демократската клима во училиштето преку ученички иницијативи. Учениците воспоставија интеракција со присутните и низ прашања и одговори, односно во разговор беше истакната улогата на жената од руралната средина, сегашната состојба и перспективата.
