Во пресрет на 11 Октомври, Ден на народното востание на македонскиот народ, денеска во ЈОУ Библиотека „Искра“ се одржа историско литературен настан со празнична тематика.
Присутните добија историски и литературен осврт поврзан со востанието, додека Виш кустос Марин Клифов даде историски осврт на народното востание.
Настанот се организираше во соработка со Библииотеката „Гоце Делчев“ – Велес и Народниот музеј“ од Велес, при што директорката Снежана Бошевска преку видео презентација претстави дел од македонските автори, чии дела се инспирирани од НОБ. Ученици на СОУ ,,Љупчо Сантов”-Кочани прочитаа стихови, инспирирани од НОБ.
Во фоајето на библиотеката по повод празникот беше изложена тематска изложба со мотиви од Народно ослободителната борба.
