Денес во околината на Бели, вработени на одговорни позиции во Амфенол Технолоџи Македонија, заедно со директорот Сашко Наков, засадија 3000 багремови садници.
Ова е трета акција за пошумување што во последниот период се реализира на иницијатива на Амфенол, а во соработка со Подрачната единица на ЈП Македонски шуми – Кочани.
Освен континуираните и веќе докажани успеси во своето работење, најголемата компанија во регионот и во иднина како еден од важните приоритети ја има општествената одговорност, која досега многу пати е потврдена со голем број донации и општо корисни активности.
Денешната еко акција имаше за цел да се помогне во обновувањето на опожарените подрачја во кочанскиот регион, да се подигне јавната свест за грижа и заштита на животната средина, но и да се остави нешто вредно и за идните генерации – здрава животна средина, прашање но и предизвик, кој веќе добива планетарни димензии.
