Кочани денес беше домаќин на првиот Графити фест 2024 – Кочани што во организација на „Act Different“ се одржа на паркингот кај Споменикот на слободата во Кочани.
За време на осумчасовниот уметнички настан и уметници-артисти од Кочани, Куманово и Скопје изработија графити на потпорниот ѕид на паркингот кај Споменикот на слободата.
Графити фест 2024 е караван продолжеток на настанот што од Куманово гостува во Кочани и ќе продолжи во други градови низ Македонија.
Целта на фестивалот подразбира на подзаборавени простори со помош на уличната уметност да им се даде нов изглед, нова димензија и уметнички лик, преку дела изработени од млади ентузијасти, професионалци и љубители на уличната графит уметност.
Во склоп на настанот свој настап имаше и локалниот ДЈ Сандех.
Настанот се реализира со поддршка на Локалната самоуправа на Кочани и локални компании.
И. Матеничарски
Фото: A. Арсов
