ВМРО-ДПМНЕ и коалицијата вчеравечер во Градскот парк во Кочани одржаа граѓански митинг во рамки на кампањата за парламентарните и вториот круг од претседателски избори закажани за 8 мај.
На митингот, пред кочанчани се обратија лидерот на ВМРО-ДПМНЕ, Христијан Мицкоски, носителот во изборната единица 3, Драган Ковачки и кандидатот за пратеник од Кочани, Миле Лефков.
На митингот во Кочани, Христијан Мицкоски упати остра критика до актуелната власт и изрази загриженост за моменталната ситуација. Тој изрази жалење за губењето на граѓанската контрола врз системот, обвинувајќи ги ДУИ и СДСМ за киднапирање на институциите за нивна корист. Собирниот повик за промени на Мицкоски одекна низ толпата, истакнувајќи го лицемерието на владејачките партии и итната потреба од реформи.
Централно место во пораката на Мицкоски беше повикот за масовен одѕив на гласачите и непоколеблива поддршка за ВМРО-ДПМНЕ. Тој ја позиционираше својата партија како единствена сила способна да изврши промени и ги повика граѓаните да го вратат својот авторитет и контрола во обликувањето на иднината на нацијата. Мицкоски ја истакна важноста да се отфрли принудата и да застанеме обединети за подобро утре.
Обраќајќи им се на неопределените гласачи и симпатизери на настрана кандидатите, Мицкоски упати покана да се приклучи на движењето за промени. Тој ја истакна клучната улога на претстојните избори во одредувањето на траекторијата на Македонија и потребата од поддршка за Гордана Силјановска Давкова и ВМРО-ДПМНЕ како олицетворение на надежта и напредокот.
Носителот на пратеничката листа на ВМРО-ДПМНЕ, Драган Ковачки од митингот порача дека ова е последната шанса за спас на Македонија.
– Да се обединиме затоа што ова ни е последната шанса за Македонија. Да се сплотиме и масовно да излеземе на 8 мај, да им го зададеме вториот удар, а потоа да побараме одговорност за сите катастрофални политики кои ја уназадија Македонија. Штетни политики кои ги носеа и не осиромашија. За сите стратешки грешки кои ги направија и ја уназадија Македонија. Да не им дозволиме нови години за да крадат, Ковачевски му ја даде Македонија на Али Ахмети само за да опстои на власт дозволи Македонија да стане држава на криминал и корупција, Македонија на сиромашни граѓни и економија на дно, истакна Ковачки.
Кандидатот за пратеник на ВМРО-ДПМНЕ од Кочани, Миле Лефков истакна дека со платформата 1198 на ВМРО-ДПМНЕ е предвидено да се реализираат низа на капитални проекти во Кочани.
– Пред нас доаѓа нова надеж, тоа се изборите на 8 мај. Пред вас излегуваме со платформа 1198 во која има 1.198 проекти за реални проблеми. Луѓето ни се на прво место. Со таа платформа Кочани ќе добие нова катна гаража, конечно ќе го добие старечкиот дом, нов мост на Кочанска река и нов јужен булевар. СРЦ „Пониква“ ќе добие нова атмосферска и фекална каналзиација и уште многу други проекти. Предвидуваме 250 милиони евра годишно за капитални инвестиции во општините. Со 50 милиони евра поддршка за спортот, ќе можеме да дадеме поддршка и на нашиот спортски миленик ГФК „Осогово“, истакна Лефков на митингот во Кочани.
И. Матеничарски
