Делегација од ОК на ВМРО-ДПМНЕ – Кочани положи свежо цвеќе по повод 11 Октомври

Денес на Споменикот на Слободата, широка делегација на ОК на ВМРО ДПМНЕ Кочани, на чело со кандидатот за градоначалник на општина Кочани, Љупчо Папазов, положија свежо цвеќе.


Секој ден е нова борба за Македонецот!
11 Октомври е врежан во колективната меморија на Македонците како ден на слободната мисла и национална кауза.
Нашиот долг е кон оние што се избориле за нашата денешна слобода, но им должиме и на идните генерации, нашите синови и ќерки, нашите внуци да им ја оставиме слободата каква што сме ја добиле. И да се бориме за напредок, за добар живот и за стабилност и сигурност за секој граѓанин.

Сведоци сме на секојдневното ограничување на слободата, но сепак тука сме, истрајни сме и ќе продолжиме…

За многу години 11-ти Октомври.
Вечно да се паметат хероите од Антифашистичката борба.

Честит празник Македонци!, стои во честитката од ОК на ВМРО-ДПМНЕ Кочани.

Сподели: