Во Мултикултурниот центар во Кочани денеска се реализираше музичко – фолклорниот настан „Детска патувачка фолк библиотека“ при што беа промовирани две фолк-сликовници.
На интерактивниот настан со музички изведби учествувааа ученици од основните училишта од Кочани и населбата Оризари кои го претставија македонското фолклорно наследство на младите генерации.
– Целта на ваквиот интерактивен настан, каде што младите ќе земаат учество е да ги научиме младите генерации да го негуваат и да го зачуваат македонското музичко-фолклорно културно наследство, истакнаа од ЈОУБ „Искра“ – Кочани.
Настанот беш во организација на ЈОУ Библиотека „Искра“, во соработка со ООМУ „Ристо Јуруков“ и „ФОЛКОНИКА“- Центар за зачувување на македонската фолк музика, фолклорно творештво, едукација и иновации за деца.
И. Матеничарски
