ГФК Осогово денес и официјално го доби второто засилување во летниот преоден рок во пресрет на новата сезона во ВМФЛ Исток.
На верност кон „жолто-сините“ се обврза крилниот напаѓач, Димитар Иванов кој доаѓа од редовите на Пелистер.
Станува збор за 25-годишен искусен играч кој во своето сиви има и прволигашки стаж од деновите кога го носеше дресот на Силекс.
Иванов во својата кариера покрај Пелистер и Силекс, има настапувано и за Тиквеш, Кожуф, Металург, Тетекс, Љубанци, Еуромилк ГЛ и Вардар.
Воедно Иванов е второ ново име во овој преоден рок откако претходно на ГФК Осогово му пристапи и Илија Далчески од Лабуништа.
Веќе утре „Осогово“ ќе ја има првата контролна средба, а ривал ќе ни биде прволигашот Академија Пандев. Мечот ќе се игра со почеток од 18:00 часот на тренинг комплексот на струмичани.
