Вкупно 7.379 гласачи го оствариле своето избирачко право во Кочани до 13 ч., информираат од Државната изборна Комисија.
Правото на глас во Кочани, 6 часа по отворањето на избирачките места го искористиле 22,41 отсто од запишаните избирачи.
Најголема излезност до 13 ч. во градот Кочани има на избирачкото место 835 во Детската градинка на улица „Скопска“ (Tекишински лозја), каде гласале 30,85 отсто од запишаните гласачи во извадокот од избирачкиот список или вкупно 228 избирачи.
Во Кочани се гласа на 63 избирачки места, односно на 60 локаци, а во избирачкиот список запишани се 32.972.
И. Матеничарски
Фото: А. Арсов
