Во организација на Боречката федерација на Македонија и техничка организација на БК „Балканец“ од Штип, викендов во Штип се одржа Државно првенство во борење слободен стил за пионери и пионерки У-15 во машка и женска конкуренција.
На првенството настапија околу 100 борачи од клубовите во Македонија борачите на „Спартак“ се освоија 6 медали од кои еден златен, два сребрени и еден бронзен во машка конкуренција, односно еден сребрен и еден бронзен во женска конкуренција.
Машка конкуренција:
Златен медал – Даријан Павлев во категорија до 68 килограми
Сребрен медал: Едис Билалов во категорија до 48 килограми и Павел Темелков во категорија до 75 килограми
Бронзен медал: Џејсон Георгиев во категорија 57 килограми.
Во екипна конкуренција машката екипа на БК „Спартак“ го освои 4-тото место.
Женска конкуренција:
Сребрен медал: Стојана Митева во категорија до 54 килограми;
Бронзен медал: Атанасија Гушкова во категорија до 46 килограми.
Женската екипа на БК „Спартак“ во екипна конкуренција се пласираше на 3-тото место.
На Државното првенство Петар Богданов остана без пласман а Мартин Цветков не настапи поради одлуката од дежурниот лекар.
Борачите на „Спартак“ беа предводени од тренерскиот двоец Иван Јанев и Александар Павлев, додека судија на душекот од Кочани беше Игор Христов.
