Кошаркарите на СОУ „Љупчо Сантов“ од Кочани се победници на зонските натпревари во машка кошарка што денеска се оддржаа во Спортската сала во Кочани, а беа во организација на Федерацијата на училишен спорт на Македонија.
На натпреварите учествуваа екипите на СОУ„Љупчо Сантов“, СОУ „Гошо Викентиев“ и СОУ „Ванчо Прке“ Виница.
Под водство на тренерот Мијалче Апостолов кошаркарите на „Љупчо Сантов“ извојуваа победа со резултат 56:21 наспроти екипата на „Ванчо Прке“ од Виница, а беа поуспешни и од кошаркарите на„Гошо Викентиев“ со резултат 46:26.
На дуелот помеѓу училиштата „Гошо Викентиев и „Ванчо Прке“ Виница поуспешни беа кочанци со резултат 55:27.
Со овие победи екипата на СОУ „Љупчо Сантов“ се пласираше на меѓузонските натпревари во кошарка во машка конкуренција.
И.Матеничарски
