Екипата на „Чифлик“ е победник на 52. издание на Илинденските спортски игри, по победата од 2–1 во финалниот меч против екипата на „Соколарци“.
Со голот на Марио Атанасовски, екипата на Соколарци поведе со резултат 0-1 во 20′ минута, по што со головите во 39′ и 62′ минута на Александар Коцев и Михаил Јакимов екипата на Чифлик направи пресврт и поведе со резултат од 2-1 со што стави крај и обезбеди победа во финалето.
На турнирот беа прогласени победниците за прво и второ место, како и најдобар играч.
Екипата на Чифлик како победник на натпреварот доби ваучер од 120.000 денари, а екипата на Соколарци како второпласирана доби ваучер од 50.000 денари.
За најдобар играл на натпреварот беше избран Димче Андов од екипата на Чифлик.
Финалето од овогодинешните Илинденски спортски игри се играше на фудбалското игралиште ,,Даме Груев” во Чешиново.
