Ученици од гимназијата „Љупчо Сантов“ организираа есенска еко-акција за засадување на дрвца, при што во училишниот двор беа засадени 35 садници од видот туја-голд. Активноста имаше за цел разубавување на просторот во околината на гимназијата и гест преку кој учениците испратија порака за грижа за зачувување на животната средина.
„Во еко-акцијата учествуваа наши ученици со одговорен наставник по Спорт и спортски активности. Свесни сме дека ова е можеби симболичен придонес, но се надеваме дека со оваа еко-акција ќе испратиме порака до целата заедница како сите ние треба да се однесуваме кон животната средина. Се надеваме дека со нашиот пример ќе ги поттикнеме и останатите луѓе во земјата да преземат конкретни акции со кои ќе ја зачуваме природата чиста и здрава. Горди сме што и во вонредни услови поради пандeмијата со вирусот Ковид – 19 ние успеавме да организираме и реализираме успешна акција“, стои во соопштението од СОУ „Љупчо Сантов“.
СОУ „Љупчо Сантов“ – Кочани
