Преку блокирање на магистралниот пат Штип- Кочани, жителите на селото Чифлик в недела, 18 јули со мирен протест ќе го искажат својот револт, со барање до локалната самоуправа на Чешиново-Облешево да го реши повеќедеценискиот проблем со водоснабдувањето и нефункционалната канализациска мрежа во селото.
-Месната заедница на с.Чифлик организира мирен протест преку кој сакаме јавно да го изразиме нашето незадоволсто од нерешениот повеќедецениски проблем со водоснабдувањето. Немаме водовод и чиста вода за пиење, изведена е нефункционална канализациска мрежа и бараме да се изгради пречистителна станица за отпадните води. Протестот е закажан за в недела, 18 јули, со почеток од 10 до 12 ч. кога планирано е на два часа да го блокираме магистралниот пат Штип- Кочани, кај с. Чифлик, стои во соопштението на Месната заедница Чифлик, испратено до интернет-порталот „Гласно“.
Од МЗ на селото Чифлик ги повикуваат сите жители да го поддржат јавниот собир се мирно протестирање и искажување на незадоволство.
И. Матеничарски
