Од следниот вторник започнува со работа зелениот и сточен пазар во Облешево, кој беше затворен од 16-ти март , како превентивна мерка за заштита од болеста КОВИД-19.
Иако состојбата се нормализира, од општина Чешиново-Облешево потсетуваат граѓаните доследно да ги почитуваат задолжителните препораки на Владата. Продавачите и посетителите потребно е да носат заштитна маска, а при посетата и престојот на пазарот, купувачите да одржуваат социјална дистанца и да се избегнуват гужви на тезгите.
Од Општината додаваат дека останува да важи забраната за продажба на свињи, поради болеста Африканска чума кај свињите.
И.Матеничарски
