Споредбено со изминативе години Општина Кочани за 2021 година планира највисок буџет за капитални инвестиции досега кој надминува 300 милиони денари.
-Очекувам дека со буџетот за 2021 година ќе успееме сите улици и инфраструктурни проблеми на граѓаните да ги решиме. Ќе се гради булевар на улицата „Стево Теодосиевски“, кружни текови на булеварот „Тодосија Паунов“ и целосна реконструкција на Градскиот парк. Планирана е реконстуркција и изградба на повеќе улици во Кочани и со тоа сметам дека наредната година ќе прогласиме град без кал, рече градоначалникот на Општина Кочани, Николчо Илијев.
Во рамките на 49. седница на Советот на Општина Кочани закажана за утре, 16 декември, советниците ќе расправаат за Нацрт-буџетот на Општина Кочани за 2021 година.
