Локалната самоуправа на Општина Зрновци од наредната седмица започнува со градежна офанзива за изградба и реконструкција на улици и паркинг простор во населените места Видовиште и Мородвис.
– Деновиве го потпишав договорот со фирма изведувач за асфалтирање на нови 700 метри улици и 100 квадрати паркинг простор во вредност од 2 930 000 денари. Изградба и асфалтирање на две нови и реконструкција и проширување на една улица ќе добијат жителите на село Видовиште и Мородвис. Со градежните активности започнуваме наредната седмица – истакна Борчо Коцев, градоначалник на Општина Зрновци
