Успешно завршен уште еден летен извиднички камп „Охрид 2024“. И овојпат на кампот присуствуваа и со многу активности учествуваа иизвидниците од извидничкиот одред „Ластовица“ од Кочани.
Кампот траеше од 1 до 7 јули. Откако беа сместени во шаторите, извидниците започнаа со активностите т.н. летни СИМски Олимписки игри, Спортските игри и Обуките на изучување на нови вештини. Активно учество имавме и на шоуто „Имам талент“, во кое освојувавме максимален број бодови. Во играта на предизвици „Невозможна мисија“ покажавме дека за нас ништо не е невозможно, одговоривме на многуте предизвици и бевме единстениот одред кој успеа да одговори на сите поставени предизвици. На крај извидниците полагаа за изучените вештини. Најуспешни во вештарствата беа Мелани Манасиева, Лана Манасиева и Софија Гоцева кои го положија испитот по Врзување јазли и нивна намена.
Покрај новите вештини и знаења во неформално образование, учесниците на кампот стекнаа и нови пријателства со извидници од нашата држава и заминаа со многу впечатоци и емоции.
ИО „Ластовица“
