September 28, 2020

„Класен непријател“ вечерва на репертоарот на Драмскиот аматерски фестивал на Македонија

Во рамки на  57. издание на Драмскиот аматерски фестивал, вечерва на летната сцена на НЦУК„ Бели мугри“  со почеток од 19:30ч ќе се одигра претставата  „Класен непријател“  на  авторот Најџел Вилијамс, во изведба на театарската група од Домот на културата „Тошо Арсов“ Виница. Претставата е во режија на Столе Мицов, а ќе ја одиграат Филип Стоилов, Мартин Милевски, Кристијан Ефтимов, Стефан Лазаров, Матеа Стојкова и Сара Јосифова.

За в сабота (12.09)според програмата се предвидени два настани.

Во кафе бар  „Рокси“ со почеток од  14:00ч ќе се одржи промоција на љубовната авторска поезија на поетесата Марина Гоцевска. Во вечерниот термин од 19:30ч, на летната сцена на НУЦК „Бели мугри“  драмското студио „Спотлајт“ од Штип ќе ја изведе претставата  „Who the fuck is sunday“ на авторот Весна Куселска. Претставата е  во режија на Ефтим Трајчов-Ѓаурски и асистент Стефанија Трифунова. Претставата ќе ја одиграат Спаско Алексов, Дарко Наковски, Марија Велинова, Деана Петреска, Марија Берслиска, Стефанија Трифунова, Јоана Нашкова и Славица Ивановска.

Посетителите на настаните на Драмскиот аматерски фестивал се должни да ги почитуваат препораките за заштита од болеста КОВИД-19.

И.Матеничарски