Компанијата „Веником“ викендов во Мултикултурниот центар во Кочани го реализираше бесплатниот Coding Bootcamp наменет за средношколци.
На кампот свое излагање имаа познати и реномирани професори и практичари од повеќе области во делот на ИТ, маркетинг и ПР секторот.
– Наша цел е да го пренесеме нашето долгогодишно знаење и искуство на средношколците низ неколкудневни тренинзи и предавања со познати и реномирани професионалци и практичари од повеќе области. Сакаме искрено да им помогнеме и пред се да ги мотивираме овие ученици да се обидат да станат идни програмери и основачи на ИТ компании кои ќе врабоитуваат млади луѓе од нашата општина и регион. Средношколците се запознаа со професионалци од ИТ, маркетинг и ПР индустријата, кои преку практични примери им го доловија процесот на креирање на софтверски решенија и промоција на продукти, истакна Иван Ивановски од компанијата „Веником“.
Поддршка во реализација на настанот даде и Локалниот младински Совет на Општина Кочани.
