Кочанец пронајден мртов во својот дом

Маж на возраст од околу педесетина години попладнево е пронајден мртов во својата дом на улицата „Митко Беќарски“, во Ромското маало во Кочани.

Според информациите до кои дојде интернет порталот glasno.mk,  станува збор за лице кое живеело само и имало срцеви проблеми.

Лицето го пронашле соседите, по што веднаш била повикана итна медицинска помош и полиција. Во моментот се врши увид, а се очекува посмртно да му биде земен брис  за  КОВИД-19.

Од Општинскиот кризен штаб за glasno.mk ја потврдија информацијата за смртта на кочанецот. Од таму додаваат дека на лице место е излезен Јавен обвинител кој констатирал дека на телото на починатиот нема траги на насилство.

Според извештајот на докторите, лицето починало како последица од сериозни здравствени проблеми со срцето.

И.Матеничарски

Social media & sharing icons powered by UltimatelySocial