Државната мерна станица во Кочани и оваа вечер покажува енормна загаденост на амбиенталниот воздух во градот. Со дури три пати над дозволената граница на ПМ10 честички во воздухот, граѓаните на Кочани вечерва дефинитивно дишат „смрт“.
И покрај најавите на надлежните институции дека конечно, со засилени контроли ќе се стави крај на загадувањето, ситуацијата со загадениот воздух во Кочани никако да се реши. По се изгледа профитот е приоритет пред здравјето на граѓаните, а глумењето загриженост на надлежните е театар кој граѓаните на Кочани одамна го прочитаа.
Се поставува прашањето како е можно, покрај сите реакции, трибини, протести , поедини правни субјетки повторно да го заобиколат законот и да продолжат да ги трујат граѓаните ? Ова е вистинската слика на немоќта на институциите да се справат со проблем кој од ден на ден, наместо да се реши, се зголемува.
Воздухот што го дишеме е заеднички. На граѓаните, политичарите, инспекторите, на сите нас. Да реагираме на време, додека не биде доцна !!!
И.Матеничарски
