Одделението за внатрешни работи – Кочани во соработка со Црвен крст – Кочани денеска ја реализираа втората крводарителска акција во календарската година наменета за вработените во кочанската полиција.
На акцијата која траеше од изутрина до напладне крв даруваа 19 лица, вработени во Полициската станица – Кочани.
– Крводарителската акција е втора што се реализира согласно годишниот план за крводарителски акции во Одделението за внатрешни работи – Кочани. Сакам да изразам благодарност до колегите кои преку крводарувањето изразуваат солидарност, хуманост и придонесуваат за задоволување на крвните потреби во државата., истакна Сашка Стојанова, координатор за крводарителски акции во ОВР – Кочани.
Акцијата се спроведе со поддршка на екипа од Институтот за трансфузиона медицина – Скопје.
Црвен крст Кочани во соработка со Одделението за внатрешни работи Кочани во текот на годината спроведува три редовни крводарителски акции, во месеците март, јуни и ноемвири, наменети за вработените во кочанската полиција.
