Младинците на „Вардар“ победници на „Драганица Куп 2020“

Денес на Градскиот стадион „Никола Мантов“ се одигра 14-то издание на традиционалниот „Драганица Куп 2020“. Најуспешна беше екипата на „Вардар“ која во големото финале славеше минимално над „Работнички“ со 1-0.

Новите освојувачи на „Драганица Куп 2020“ до финалето стигнаа откако во првиот полуфинален меч славеа над домаќините, „Осогово“ со резултат од 2-0.

Работнички пак во полуфиналето беше уште поубедлив откако славеше над „Беласица“ со 3-0. Во мечот за трето место пак струмичани беа подобри од „Осоговци“ со 3-0.

Конечен пласман „Драганица Куп 2020“:

  1. Вардар
  2. Работнички
  3. Беласица
  4. Осогово

Најдобар играч: Исмет Хајдари (Вардар)

Најдобар стрелец: Левент Ибраими (Вардар)

Најдобар голман: Алмир Колиќ (Работнички)