Мото клубот „Желки“ со донација за Детското одделение при Општата болница во Кочани

Членови на Мото клубот „Желки“ од Кочани денеска ја релизираа планираната хуманитарна акција  наменета за Општата болница со проширена дејност – Кочани.

На Детското одделение  при  кочанската Општа болница, претставници на мото клубот донираа перници и инхалатори за потребите на одделението.

– Мото клубот „Желки“ од Кочани во соработка со „Греен-орг“ донираа перници и инхалатори за Детското одделение при кочанската Општа болница. Се надеваме дека оваа донација ќе биде поттик за другите  организации и сограѓани да донираат и да покажат општествена одговорност. Оваа донација е обезбедена од нашите лични средства. Мото клубот „Желки“ е клуб кој постои две години, ова е наша прва донација, но не и последна и во иднина продолжуваме да даваме поддршка на оние на кои им е најпотребна, истакна  Драган Митев, секретар на Мото клубот „Желки“ од Кочани.

Мото клубот „Желки“ од Кочани е единствен регистриран мото клуб на подрачјето на Кочани, кој брои 18 членови и  е дел од  Моторциклистичката федерација на Македонија.  Членови на мото клубот досега имаат учествувано на повеќе домашни и меѓународни мото настани, а клубот беше домаќини и на Мото дефилето „Макдонија независност“ што се одржа минатата година, во месец септември.

И. Матеничарски

Social media & sharing icons powered by UltimatelySocial