Николовски од Кочани: Социјалдемократите го ажурираат своето членство во пресрет на изборите за лидер

Генералниот секретар на СДСМ Љупчо Николовски денеска заедно со потпретседателот на партијата Оливер Спасовски беа во посета на Кочани и Кочанско.

„Паралелно со промените и реформите во државата, за подобрување на животот на граѓаните, тече процесот за подобрувања, промени и модернизација во СДСМ. Задоволни сме што ажурирањето и активната регистрација на членството на СДСМ тече одлично, и овде во Кочани но и ширум државата. Досега, за првите десет дена откако започна оваа внатрепартиска постапка своето членство го ажурирале над 20.000 наши членови. Активни се 1.563 тимови од Месните одбори од 74 општински комисии. – информираше Николовски.

Тој рече дека се задоволни од транспарентноста, демократскиот капацитет и начинот на којшто се реализираа оваа акција, почитувајќи ги сите мерки за заштита на здравјето.

„Денеска заедно со потпретседателот Оливер Спасовски, овде во Кочани, вториот дел од работниот ден го искористивме за да го следиме овој процес и да поразговараме со граѓаните, членовите и симпатизерите на СДСМ.СДСМ се менува, за уште подобро да им служи на граѓаните. Оваа порака им ја упативме и на граѓаните од македонскиот исток и задоволен сум што позитивно гледаат на овие демократски промени во партијата.Благодарни сме на поддршката од граѓаните, тоа е наш мотив да продолжиме по вистинскиот пат на реформи во сите сфери.“ – посочи Николовски.

Генералнито секретар на партијата вели дека овој важен процес носи поголема демократизација на СДСМ и ќе финишира на 21 март со првите непосредни, демократски и внатрепартиски избори на кои ќе се избира новиот претседател на партијата. Како што рече тоа e врв на внатрепартиска демократија и тоа за прв пат во нашата земја ќе го направи СДСМ.

„Оваа наше водство, оваа наша прогресивна, демократска постапка се надевам дека ќе ја следат и други, демократизацијата да се преточи и во други партии. Тоа е СДСМ, одговорна и државотворна партија која поставува нови стандарди, носи нова вредност во политичкото дејствување. Ја подобруваме партијата ја подобруваме татковината.
Додека трае процесот на ажурирање, партијата е отворена и за нови членови, што значи ја задржуваме отвореноста којашто беше присутна и досега. Затоа ги повикуваме граѓаните, можат и онлајн да се пријават на нашата веб страна за да пристапат кон СДСМ.“ – вели Николовски.

СДСМ е партија што победува, ја ужива довербата од граѓаните но и постојано се менува, модернизира, подобрува. Преку еден динамичен, современ, но пред се демократски начин на работа и делување. – заклучи тој.

Целата изјава можете да ја погледнете со клик ОВДЕ.

Social media & sharing icons powered by UltimatelySocial