Ноемвриска крводарителска акција во Црвен крст Кочани, собрани 22 крвни единици

Во просториите на Општинската организација на Црвен крст Кочани денеска се спроведе редовната ноемвриска  крводарителска акција.

Под посебни услови за заштита од Ковид-19 на акцијата крв даруваа 22-ца крводарители, а истата се спроведе во соработка со Институтот за трансфузиона медицина – Штип.

За текот на акцијата  изјава за медиумите даде Анета Коцева, секретар на Црвен крст Кочани.

– Ова е 14-та крводарителска акција која ја реализираме во текот на оваа година . До крајот на годината планирана е уште една редовна крводарителска акција во Црвен крст Кочани, но дополнително планираме и неколку вонредни акции за дарување крв, истакна Коцева.

Граѓаните може да даруваат крв секој понеделник и четврток во Службата за трансфузиона медицина – Кочани или секој последен четврток во месецот во просториите на Црвениот крст.

И. Матеничарски

Фото: А. Арсов

Social media & sharing icons powered by UltimatelySocial