ОК на ВМРО-ДПМНЕ Кочани: Динамика во здравството или само обичен ПР?!

Неспособноста на оваа влада предводена од СДСМ да се справи со Корона кризата е пресликана и на локално ниво во Општина Кочани.

На 21 јуни, 2020-та година, градоначалникот Илијев и директорот Серафимов, помпезно го најавија проектот монтажна модуларна болница која требаше во тој период да биде од најголема итност за граѓаните од Источниот регион.

И додека во најголемот пик на Корона, за само 4 месеци, во Република Србија беа изградени две Ковид болници по сите светски стандарди, со врвна опрема и дијагностика, кај нас на неспособната власт им требаа 7 месеци само да ја израмнат промашената локација.

Почнаа со припрема на објектот од времен карактер уште во јуни 2020-та година. Во тој период како привремено решение, болните од Ковид-19 се збринуваа во постоечките капацитети на болницата, и тоа во ограничен број поради недостатокот на простор.
Од монтажната модуларна болница на предвидената локацијата има само тампон, земја и песок, или кал после секој дожд. Очигледно властите и овој пат не си ги исполнија задачите и обврските спрема ѓраганите.

Како за компарација ви ги презентираме сликите на изграденото во Крушевац и во Кочани!?

Дали се потребни зборови?

Купувањето време на неспособната власт и немањето стратегија во справувањето со Ковид -19 е препознаено од граѓаните и ќе биде казнето на следните избори.

Со почит!

Комисија за здравство при ОК на ВМРО ДПМНЕ – Кочани

Портпарол – Кристина Атанасова Арсова

Social media & sharing icons powered by UltimatelySocial