84 ученици треба да се запишат во ОУ „Малина Попиванова“ во Кочани во учебната 2021/2022 година. Распоредени на временски период од 20 минути или половина час според протоколот за упис на првачиња за време на пандемија училиштето ги прими децата за упис кои доаѓаа со своите родители. Од училиштето со апел до родителите да почитуваат закажаните термини за упис.
-Во претходниот период имавме подготвителни активности. Најпрвин се формираше комисија за упис на првачињата, потоа имавме подготовка на просториите во коишто ќе се врши уписот на првачињата со цел да се запазат и почитуваат безбедносните протоколи против Ковид-19. По списокот од Министерството за внатрешни работи, нашето училиште за упис има 84 ученика. Потсетување до родителите при самиот упис да ја носат потребна документација, извод од матична книга на родени на детето, потврда за вакцини, потврда од стоматолог и документ за идентификација на родителот. Апел до родителите да ги почитуваат закажаните термини за уписот на првачињата којшто ќе трае до 2 јуни, истакна Сања Ангелова, училишен педагог, во ООУ „Малина Попиванова“.
Уписите оваа година се изведуваат на два начина, преку електронска апликација која е објавена на официјалната страна на Министерството за образование и наука, но и во училиштето со носење на потребната документација.
И. Матеничарски
