Општина Кочани ја повтори постапката за јавна набавка на нови зимски работни униформи за пожарникарите од Територијалната противпожарна единица – Кочани, откако на претходно објавениот јавен повик не била добиена прифатлива понуда за реализација на набавката.
Според спецификацијата сите пожарникари треба да добијат зимски јакни, панталони, капи, ракавици, блузи, ремени и едноделни комбинезони како и соодветни обувки за работа во зимски услови. За оваа набавка од општинскиот Буџет е предивдено да се издвојат над 400 илјади денари за обезбедување на новата зимска работна униформа.
Фирмата добавувач потребно е да ги обезбеди униформите и истите да имаат одреден степен на заштита, односно висока топлинска издржливост и извесен степен на водоотпорност.
Јавната набавка е веќе објавена, а заинтересираните фирми можат да се достават понуда заклучно со 30 декември. Доколку на јавниот повик се добие прифатлива понуда тогаш добавувачот е должен работните униформи да ги испорача во рок од два месеца.
И. Матеничарски
