September 28, 2020

„Осогово“ ја пречекува екипата на „Тиквеш“ Кавадарци

По паузата поради одигрување на натпреварите на репрезентациите од квалификациите за Лигата на нациите, викендов ќе се игра третото коло од Втората Македонска фудбалска лига – Исток.

По ремито со екипата на „Кит-Го“ Пехчево во минатото коло, ГФК„Осогово“ шансата за прва победа во ВМФЛ-Исток ќе ја бара в сабота, на домашен терен против тимот на „Тиквеш“ од Кавадарци.

Дуелот во третото коло во ВМФЛ-Исток е закажан за в сабота (12.09) со почеток од 16:00ч на стадионот „Никола Мантов“.  И овој натпревар како и претходните ќе се игра без публика, согласно протоколот за заштита од болеста КОВИД-19.

Во меѓувреме, помеѓу паузата од натпреварувањето во ВМФЛ, „жолто-сините“ на гости одиграа пријателски меч против екипата на „Скупи“ каде изгубија со резултат од 4:0.

Во третото коло во ВМФЛ-Исток ќе се сретнат:

12.09.2020 (сабота)

Каменица „Саса“- „Победа“

„Кожув“-„Брегалница“

„Плачковица“- „Слога“

„Росоман“ – „Кит-Го“

Натпреварите се со почеток од 16:00ч.

И.Матеничарски