Повеќе од 18 часа дел од корисниците од високата зона на водоводната мрежа во Кочани се без водоснабдување, реагираат граѓани до интернет – порталот „Гласно“.
Прекинот на водоснабдувањето поради дефект на водоводната мрежа настанал вчера околу 18 ч. и отогаш во прекин е испораката на вода.
Од КЈП „Водовод“ – Кочани известија дека се работи на санација на дефектот кој е на непристапен терен, а настанат од обилните врнежи на дожд и надојдената атмосферска вода.
– Поради непристапноста на теренот од обилните врнежи и надојдената вода, настанат е дефект кај дел од корисниците на висока зона, без вода ќе останат корисниците до целосно решавање на проблемот и тоа: ул.,,Коста Рацин”, дел од ул.,,Ударничка”, дел од ул.,, Шукри Шаин”, ул.,,14-та бригада”, населба Драчевик, населба Варница, ул.,,Бел Камен”, с. Бели, ул. ,, Скопска” и ул.,,Охридска”, известија од кочанското комунално претпријатие.
И. Матеничарски
Фото: А. Арсов
