Градоначалникот на Општина Кочани Николчо Илијев денеска имаше средба со Сузана Коцев, регионалната раководителка на КАМ маркет, компанија која обезбеди донација од 60 пакети за ранливи категории граѓани од Кочани.
– Сакам да се заблагодарам и од името на локалната самоуправа и од граѓаните за вашата желба во услови на пандемија да им помогнете на ранливите категории граѓани. Давате убав пример за општествена одговорност, кој треба да го следиме и да им помагаме на луѓето на кои им е потребна помош – рече на средбата градоначалникот Илијев.
Пакетите содржат прехранбени и хигиенски производи, кои се распределуваат кај семејствата во социјален ризик, утврдени од кочанскиот Мобилен сервис за здравствени и социјални услуги.
Сподели:
