Десетина планинари од планинарскиот спортски клуб „Осогово“ викендов ја обележаа планинската патека од населбата Оризари до манастирот „Св. Харалапие“ во селото Пресека, на Осоговските планини.
Патеката е во должина од 11 километри, а планинарите поставија педесетина метални патокази и информативни табли со ознаки, заради побезбедно движење на рекреатвците и планинарите.
Целта на акцијата е да се промовираат што поголем број на планинарски патеки и развој на планински туризам. Воедно со ова се промовираат и Осоговските планини, кои нудат одлична можност за развој на различни видови спортови.
Планинарите на ПСК „Осогово“ минатата година ја обележаа и патеката од селото Пантелеј до локалитетот Раткова Скала која важи за една од најатрактивните патеки за планинарите на Осоговијата.
И.Матеничарски
