Доброволното противпожарно друштво – Кочани е во процес на собирање финансиски средства преку донации за набавка на теренско интервентно возило за потребите на пожарникарите – доброволци.
За таа цел, на онлајн платформата „ecrowd“ веќе е отворен линк за донации каде граѓаните може да донираат финансии на Доброволното противпожарно друштво и со тоа да помогнат во обезбедување на теренското возило.
– Преку интернет платформата сите граѓани може со еден клик, електронски да донираат средства во износ од 100 до 6000 денари. Нашата намера е со собраните средства да набавиме половно теренско возило кое ќе го користиме за интервенции и ќе биде од голема корист за нашето друштво. Во моментот, бидејки немаме наше возило за превоз на доброволците користиме сопствени возила или не превезуваат со возила на ТППЕ – Кочани. Поради тоа нужна е потребата за набавка на сопствено возило на противпожарното друштво. Ги повикувам и апелирам до сите сограѓани кои се во можност да донираат и да ни помогнат во нашата намера за обезбедување на сопствено возило, истакна Златко Илијев, претседател на ДПД – Кочани.
Најголем дел од опремата што ја поседува Доброволното противпожарно друштво е добиена од донации на компании и поединци од државата и странство. Преку донации обезбедена е работна и интервентна опрема, комуникациски уреди, а во кругот на кочанската пожарна во процес е и реновирање на објект кој ќе биде наменет за Доброволното противпожарно друштво.
Заинтересираните лица може да донираат електронски со клик ОВДЕ или на денарската и девизна сметка на Доброволното противпожарно друштво – Кочани.
Денарска сметка на Комерцијална Банка
300050000186807
Девизна сметка на Комерцијална Банка
Iban code MK 07300701003831758
Swift code KOBSMK2XKOB
И. Матеничарски
