Со одигрување на третото и последно коло од групната фаза на Петровденскиот турнир познати се четвртфиналистите на овогодинешното 19. издание на Петровденскиот турнир во мал фудбал.
Екипите на „Златно Зрно“, „Балкан Лукс“, „ ВЛТ“ Грдовци, „Паневски“, „Еликсир“,„Астра Казино“, „Пјаца“ и „Ауто Велт“ се пласираа во четвртфиналето на турнирот.
На вечерашните дуели екипата на „ Пјаца“ беше поуспешна од тимот на „ДБ Интернационал“ и со победата од 5–1 го освои второто место во групата Д со што обезбеди пласман во четвртфинале.
„Астра Казино“ со резултат од 9 – 4 го победи тимот на „Еуро Петрол“ и го задржа првото место во групата Б, додека „Ауто Велт“ беше убедлив против тимот на „Јана Лукс“ со резултат 5-0.
Четвртфиналните дуели се закажани за 1 и 5 јули во следниот распоред:
01.07.2021 (четврток)
Четвртфинале
20 ч. „Балкан Лукс“ – „Паневски“ (1)
21 ч. „ВЛТ“ Грдовци – „Еликсир“ (2)
05.07.2021 (понеделник)
20 ч. „Астра Казино“ – „Пјаца“ (3)
21 ч. „Златно Зрно“ – „Ауто Велт“ (4)
Во полуфиналните дуели ќе се сретнат победниците од натпреварите „Балкан Лукс“ – „Паневски“ и „Астра Казино“ – „Пјаца“ и победниците од „ВЛТ“ Грдовци – „Еликсир“ и „Златно Зрно“ –„Ауто Велт“.
