Пониква спремна за викендов, од утре во функција и ски-лифтот 3

Новите врнежи од снег ја зголемија снежната покривка на Пониква па викендов што претстои се очекува голем број на гости да го посетат  Спортско-рекреативниот цетар на Осоговските Планини.

Условите кои ги создаде новата снежна покривка  дозволија од утре покрај ски-лифтот 1 во фунција да биде ставен и ски-лифтот 3 на Пониква. Ски-патеките се целосно подготвени за скијање и се на располагање на  љубителите на зимските спортови.

Во угостителските објекти  за викендов се бара место повеќе, а се очекуваат гости од целата држава.

Патниот правец до СРЦ „Пониква“ е прооден. Екипи на ЈП „Македонија Пат“   постојано се на терен и интервенираат на расчитување на делницата.

И. Матеничарски

Благодарност за фотографиите на „Ski Nadja“.

Social media & sharing icons powered by UltimatelySocial