Локалната самоуправа на Општона Зрновци најави изградба на три нови улици во населените места Зрновци, Мородвис и Видовиште како и реконструкција на веќе постоечки улици во општината.
– Согласно Програмата за изградба и реконструкција на улици и патишта во општина Зрновци и спроведената јавна набавка, денес го потпишавме договорот за изградба на три нови и реконструкција на повеќе улици во трите населени места на општина Зрновци со избраниот економски оператор “Стоименов” ДООЕЛ-Кочани, во висина од 3 360 380 денари, средства обезбедени од буџетот на општина Зрновци, соопшти градоначалникот на Зрновци, Борчо Коцев.
