Во организација на кочанското Пчеларско здружение „Матица“ утре, 20 мај на Западната тераса при НУЦК „Бели Мугри“ ќе се одржи изложба на слики и цртежи од ученици во основните училишта од Кочани.
Настанот се организира по повод Светскиот ден на пчелата со почеток од 12 ч. и се реализира со поддршка на Општина Кочани и НУЦК „Бели Мугри“.
Освен изложба на цртежи и слики ќе се наградат и литературни творби во кои ученици од училишта во општина Кочани пишувале како го доживуват „светот на пчелите“.
