Синоќа на повеќенаменското спортско игралиште во дворот на гимназијата „Љупчо Сантов“ се одиграа натпреварите од групите Б и В на Петровденскиот турнир во мал фудбал 2022.
На дуелите се сретнаа екипите на „Ауто Велт“ и ПЈЗ „Панов“ и „Македонија“ – „ВЛТ“ – Грдовци, додека натпреварот „Адренико“ – „Пролет“ не се одигра поради отсуство на играчите од тимот „Адренико“.
Резултати:
„Ауто Велт“ 4- 0 ПЈЗ „Панов“ (Б)
„Македонија“ 1 – 8 „ВЛТ“ – Грдовци (В)
„Адренико“ 0 – 3 „Пролет“ (службено)
Натпреварите од турнирот продолжуваат денес, 2 јули кога ќе се сретнат екипите на:
20 ч. „Пјаца“ – „Антура“
На годинашново издание на традиционалната спортска манифестација се натпреваруваат 14 екипи, распоредени во четири групи.
На турнирот ќе се избира најдобар играч, стрелец и голман, а најдобрите три екипи ќе добијат 60 илјади, 30 илјади и 15 илјади денари.
Финалето на турнирот е закажано за 12 јули на празникот Петровден.
Турнирот е во организација на Општина Кочани, во соработка со Општинскиот фудбалски сојуз (ОФС – Кочани).
И. Матеничарски
