Во ЈОУ Библиотека „Искра“ – Кочани вчера беше промовирана збирката песни „Гласот на мојата душа“ од кочанската поетеса Ана Дедова.
Во делото се поместени 41 песна, а промоторот на делото М-р Љупка Стојменова посочи дека секоја песна е убавина сама за себе бидејќи сите песни Ана ги напишала како и нејзините претходни, со чиста душа и чиста мисла.
Извадок на песни од книгата читаа членови на Литературниот клуб „Копнеж“, а низ промоцијата на самото издание гостите ги водеше модераторот на настанот Магдалена Кочовска Салтирова.
„Гласот на мојата душа“ е петто дело на авторката Дедова. „Охридски бисери“ (2012), „Илузија“ (2015), „Твоето ангелско лице“ (2017) и Везот на животот“ (2019) се останатите четири дела напишани од младата поетеса од Кочани.
И. Матеничарски
